қарсыластан басымдылық

қарсыластан басымдылық
(Превосходство над противником)
ұрыста және операцияларда әскер (күштер) саны, олардың жабдықталуы, моральдық-психологиялық жағдайлары, ұрыс қимылдарын жүргізу өнері тұрғысындағы басымдылық. Қ.б. негіздері бейбіт уақытта мемлекеттің экономикасын дамыту, әскери доктринаны жасау, қарулы күштерді құру мен жетілдіру, оларды қару мен әскери техниканың жаңа үлгілерімен жабдықтау, жеке құрамды үйрету мен тәрбиелеу және әскери өнер теориясын дамыту арқылы жасалады. Қарулы күштердің жеке құрамын кемел дайындауға жетуде Қ.б. үшін күштер мен құралдардың байланыстылығы үлкен рөл атқарады. Өткен соғыстардағы қарсыластан санымен басым әскерлердің жеңістері басты бағытта негізгі күштерді жасырын шоғырландыру, тұтқиылдан соққы беру және кезекті шешуші қимылдар арқылы жүзеге асқан. Шабуыл операциясы барысында басты бағытта Қ.б-ты қолдауға, ең алдымен, жылжымалы топтарды, екінші эшелондарды және қорларды уақытымен енгізу, қосымша учаскелер мен бағыттарда күштер мен құралдардың маневрін жүзеге асыру, басты бағытта жою құралдарының негізгі топтарын қолдану арқылы жетеді. Қорғаушы әскерлер қарсыластан күші мен құралдары жағынан осал болады. Сондықтан қорғаушы операцияларда (ұрыстарда) Қ.б. тек қарсы шабуыл (қарсы соққылар) жүргізілетін бағыттарда ғана құрылады. Осы мақсатта қорлар мен эшелондар енгізіліп, қосымша бағыттағы әскерлер қолданылады және күштер мен құралдармен маневрлеу жүзеге асады. Қазіргі жағдайларда әскерлердің оңтайлылығы және жою құралдарының шалғай қашықтықтан қолданылуы алдан ала шектелген алаңдар-дағы бастапқы аудандарда әскерлердің ірі топтарын шоғырландырмай-ақ қажет шамада Қ.б. құруға мүмкіндік береді. Шетел әскерлерінде Қ.б. әскери өнердің басты тапсырмасы болып саналады. Атыстық басымдылыққа, тұтқиылдыққа жету тәсілдеріне, дайындықтың мұқияттылығын және ұрыс қимылдарын жан-жақты қамтамасыз етуге айрықша көңіл бөлінеді.

Казахский толковый терминологический словарь по военному делу. — Мектеп.

Смотреть что такое "қарсыластан басымдылық" в других словарях:

  • күш пен құралдарды топтастыру — (Массирование сил и средств) қарсыластан шешуші басымдылықты қамтамасыз ету үшін, оны талқандап, операцияның (ұрыстың) мақсатына жету үшін күш пен құралдарды (негізгі күш жігерді) басты, шешуші бағыттарға (іс қимыл аудандарында) шоғырландыру;… …   Казахский толковый терминологический словарь по военному делу


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»